Jowai : Waroh i na chnong Jowai kamjooh na kylleiñ ka Ri-Loom Jaintia wa na kiwi kiwi ki thaw ka-it bha i u lai cha Treriat næ ka Syntu Ksiar kawa man chibynta ka Wah Myntdu kawa man leh ka thaw kawa da bna naam heiwa da ki spah ngut kiwa uiñ sawari poi ki man ka sngi.
Ha kani ka kynti neiliang u WYRTA da pyrchang u wow thooh ya ki thaw wa yoosuk kiwa ka rymaw e ko ya i pyn heini i bynta ini i thaw.
Ka kchaaid wa jngai du chiteiñ kynta tam i lai kjat yow sakhi ya ka kchaaid Umkhangrah kawa em pyn ha kylla loom ka Syntu Ksiar man ko kawa yoosuk kawa ye leh u kam wa man ko kawa ye u pynwiar yei pyrkhat wa khia wa chem i ha ki kaam wa man ka sngi.
Heijooh i por kani ka um man ko leh kawa sdang nadooh ka chnong Moobyrni kai ko cha ka thaw wa tip i kam ka Mublai weiwa da pynemkaam leh ya kani ka jooh hi ka um yow pyndap um ya ki hali wa ki nan ki bru na luti wa kai ko. Weiwa najrong u loom chwa u poi ka kchaaid ye leh u yoo yei rukom miat ki hali ki Pynthor Wah weiwa ye u yoo ya ka Yingkieñ thymme wa ka wah Myntdu.
Wow poi cha kani ka kchaaid emkaam u kaap ya ka yingkieñ doidoi (Opposite Equal Bar) wei lai tymbud luti weiwa haap yait na ka timun na ka luti wow lai cha Chyrmang wei bood ya ka tymbud ka wah khian (tributary) wei haap ku ya uwi u loom yow poi cha khlieh kani ka kchaaid.
Kani ka kchaaid man ko kawa yoosuk neibhah wa man ko kawa boonteiñ (kawa boon kyrdan) weiwa kiwon kiwon kiwa kwah u lai cha kani ka kchaaid ym emkaam u man ki kiwa khlan neibhah ki kynthai khynnah leh ye ki u lai cheini deiwa suk.
Sam kongsan pathan ka um ha kani ka wah khian man ko kawa khooid bha wei i jngiar yong ka man i iwa chynna hadooh i tre wa kai ka wah.
Kani ka wah khian yachem ko wa ka Wah Myntdu hei bynta ka yingkieñ Pohkhyllem (Kawa khut maya i kam ka yingkieñ u Lang).
Ye phi u yoo næ sakhi yei miat kani ka kchaaid pyn na ki dur wa da booh i heini hawah.
Heijoh i por neliang u WYRTA daw wanrah chooh ya ki khubor kiwa kam kini ki thaw.
Discussion about this post