Ka seiñ Hynniewtrep Integrated Territorial Organisation (HITO) da ujor FIR ko pyrchah ya ki bru kiwa khrong poisa pyrchah aiñ hei pyrtuid yong ka seiñ ha u sarokbah ha i bynta wa em ka Mawlai Petrol Pump.
Kiwa yahkhmat ka HITO na Shillong City wa Mawlai Circle da lai ki wow booh FIR ha Mawlai Police Station ynne i janmiet hadien wa tip yeini wei ha katai ka ujor da ong wa ini da jia heipor 4:00 waje i step deiwa pynemkaam da kawi ka kari i20 rong lieh kawa em ya u Mumber ML-10D-7737.
Neiliang kiwa yahkhmat ka HITO da maham ki ya ki bru kiwa chim kabu hei pyrtuid ka seiñ wow dawa poisa wei da kyntu leh ya ki paidbah wow pyntip cha ka seiñ næ cha ki pulit lada chem ya ki bru wa chim kabu u dawa poisa.
Discussion about this post