Ka Jaiñtia Students Union kam chibynta wow pynñiawthooh paidbah hajrong i emkaam i khooid i jngiar, ynnin ka sngi da saam ko da ki tin noh-jhep ha Nartiang.
Ya ka yalang wow saam ya kini ki tin da pynlai da u Chief Organising Secretary, u S. Phalyngki heiwa da yoh ya ki ktien pdiang burom na u President ka JSU Circle, u N. Mukhim wei leh i klam na ki san tylli ki dong hapoh ka chnong Nartiang.
Da yoh leh i klam na u Jersom Shylla uwa man u President ka JSU Seiñbei wa na u Secretary ka chnong Nartiang u S. Swer kam u Symbood Kongsan.
U President ka seiñ da ban joor u heiyatoh wa i khooid i jngiar hapoh ka chnong deiwa ong wa emkaam yei yakrehlang yong waroh ki paidbah nadooh na sor chadooh ki thaw palat-sor khamtam wow thooh ya ki luti neibynta u moochynthut wa chem ha Jowai heiyatoh wa i jhep.
Da ban joor u leh ya ki mat dawa ka seiñ kiwi boon khamtam wa yatoh wa i stat i tip, i chait i tram, wa kiwi kiwi.
Ya ki kyntien pynkut da yoh na u Secretary ka Nartiang Circle u A. Sumer.
