Ha palat 100 tylli ki Cinema wa em ha France da pynyoo ya ka phlim kawa na Garo

Ka Capricci Cinema deiwa ya krehlang waka Anna Films Shillong da yoh ki wow pynlait ha palat 100 tylli ki Cinema wa em ha France ya kawi ka phlim Garo wa tip kam ka Rapture, wa da wan pynwandur da u Dominic Megam Sangma kam u Director.

Kani da man ko leh ka sien wa nyngkong wa ka phlim kawa na Meghalaya da yoh wow pynyoo ka kamni ha ki Cinema wa em ha France kamjooh leh u moomær wa thymme ya ki phlim wa pynmih na Garo Hills.

Ya kani ka phlim da pynlut da ka Anna Films Shillong wei da man ko leh chaphang ka riti dustur kamjooh ki jait ngait wa boon yong ki Garo.

Related posts

Da tam ₹ 11 lak u pynkhle ka Panaliar ha ka Lucky Draw uni u snem

September 7, 2025

Da ka Thar, ka Royal Enfield Classic wa ka Yamaha YZR u pynkhle ka chnong Rymbai

September 5, 2025

Ka Capricci Cinema da pynbna ko wa kani ka phlim da yoh ko yei tipmit da ka GNCR (Groupement National des Cinémas de Recherche), kawa man kam ka seiñ kiwa pynyoo phlim yow yoh chooh chooh kiwa boon ki bru u yoo ka.

Ka Anna Films Shillong toh ka Company wa em hapoh Meghalaya kawa kreh da ka thong wow pynmih ya ki phlim kiwa miat wa ya ryngkat wa kiwi hapoh ka pyrthai kiwa khana leh yei parom wa miat.