Ka seiñ kreh monsñiawbha kawa tip kam ka Mih-Myntdu Community Social Welfare Association (MCSWA) ynnin da pynman ko ya i pynsñiawthooh ya ki laad wow yoh kreh namo ka Skill Training Mobilisation Drive ha Yungwalieh ka Dorbar Chnong Panaliar, Jowai.
Ha kani ka janmiet chwa wow sdang ka pynsñiawthooh da yoh i klam pdiang burom na u Waheh Chnong ka Panaliar, u Riquoma Rq. Laloo.
Ya ki kaam wa da leh da ka MCSWA da yoh i batai na ka Rinibeth Patlong kawa man kam ka Programme Manager kani ka seiñ wei da khana ko leh kajiak heiyatoh wa i lai luti ka seiñ ha ki 40 snem wa dadep.
U Aris Nongkynrih uwa man u Chief Functionary ka seiñ da batai che u hajrong ka phang Skill Training Mobilisation Drive hajrong ki phang wa ye ki khynroo khyllood u yoh kreh hadien wa pyndep ki yei puræ ki.
Kini ki kreh kynthup ki ya ka Home Health Aide, Pharmacy Assistant, General Duty Assistant, Tour Guide wa kiwi kiwi heiwa u ye ki u yoh kreh ym du hapoh Ri-loom Jaiñtia kamjooh ha kiwi ki bynta ki jylla ka India wot cha baar ri leh kamjooh.
Discussion about this post