U Working President ka Meghalaya Pradesh Congress Committee (MPCC) uwa man u Deputy CEM ka KHADC, u Pynshngaiñ N Syiem da pdiang u wa joor bha i pynbor ya ki ar ngut ki MDC wow dam noh yei kyrchaan ya ka Executive Committee wa yahkhmat da ka NPP.
Da ong u wa kani ka phang toh kawa da chit bha hapoh ka MPCC, wei da em i pynbor na ka Youth Congress, Mahila Congress wei ha kini ki kajiak sngi wow wan daw chim ya ka rai.
Katkam ka khubor wa da yoh, da khana wa kiwa boon kiwa yahkhmat ka Congress da pynbor bait ki ya ki MDC wow pyndam noh ki yei ya krehlang wa ka NPP, heiwa da khana u wa neidaw ini i pynbor ya ki MDC ka Congress, ye ki wow dam noh ha iwon iwon i por ha uni bnai deiwa mih noh napoh ka EC wa yahkhmat ka NPP ha KHADC.
Hawa kylli hajrong ini, u Pynshngaiñ da kyntait u wow ong iyi iyi leh, tangwa da ong hi-eh u wa ha kini ki kajiak sngi daw che lut waroh.
Hawa kylli wa lada ini i phah pyndam noh yei em hapoh ka EC wa toh neidaw wa da jan ka Election, neiliang u Deputy CEM da kyntait u deiwa ong wa i dawa da mih i nadooh 6 bnai nachwa wei kam ki MDC u sñiaw emkaam u wow pyndep chwa ya ki kaam wa toh neibynta ka KHADC.
Discussion about this post