Ha uni u bnai u pyllait ya ka tulop kiwa sikai SSA na ka sorkar jylla

Shillong: Ka Meghalaya SSA School Association (MSSASA) Central Body da ong ko wa ya ka tulop wa sahkut yong kiwa sikai SSA daw pyllait noh ha uni u bnai na ka muna poisa yong ka sorkar jylla. Yeini da ong da kiwa yahkhmat ka MSSASA katkam ka kular na u Montri Rangbah ka jylla, u Conrad K Sangma hadien i yachem wa oo ynne ka sngi.

Kiwa sikai hapoh ka MSSASA wa da mihkhmat da 15 ngut ki dkhot na waroh ki bynta ka jylla da pynsñiaw ki ha u Montri Rangbah wow bhah ya ki kyrdan yong ki skur katkam ka Meghalaya State Education Policy (3.5.6), kawa kdaw wa ka sorkar daw bichaar bniah ya ki skur wow tipmit noh ha ki kyrdan kam ki skur sorkar, Government Aided, Partially Aided wa ki skur samen.

Ha kani ka yachem da yaklam hajrong i sah ka Arrear kawa nadooh u Naiynñiaw 2016 hadooh u Thohlakhmi 2017.

Neiliang u General Secretary ka MSSASA, u HM Marbaniang da ong u, “U Montri Rangbah da kular u wa ka sorkar jylla daw su noh ko ya ka tulop kiwa sikai katwa ympu yoh ya ka mang poisa wa pura na ka sorkar pyrdi.”

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katkam i ong u Marbaniang, u Conrad da pyntip u wa ka sorkar da pynkhreh ko wow su noh ya ka tulop wa sah la kamwa 4 bnai wei ini dang lai hi i chakhmat.

Hawa kylli, u Marbaniang da ong u, “U Montri Rangbah da kular u leh wa uni u bnai ya kani ka tulop kiwa sikai daw pyllait noh.”