Jowai : Ynne i janmiet ka 27 tarik kamwa 6:30 kawi ka kari Maruti 800 rong lieh da haap ko cha riat ha u sarok Dulong-College road.
Kani ka kari da yah da u Shiningstar Sutnga uwa na Khimmusniang uwa man leh u tre kani ka kari.
Kani ka kari hadien wym ye de uwa yah ya ka u pyllai (control) ya ka da lai ko charood heiwa da syngkhood ko ya uwi u dieñ neitæ kamwa tooid cha tre wa yillu kam 80 meter da poi sangeh ko ha ka liar wa em hatre u riat hadooh wada nioñ i phrang wei tnoom kani ka kari.
Ha ini i jia da em le ngut kiwa chong hapoh ka kari weiwa da mynsoo ar ngut kiwa kynthup ya uwa yah wa uwi u lok yong oo uwa na Dongmihsngi uwa chong hadien u wym pu tip pyrtuid hadooh kattæ. Katwa uwi won ym em u takha u katwa em.
Uni uwa ym em mynsoo da phone u cha ki lok wa kiwa hayung yong u tre kari kiwa da wan pyllait ya ki wa mynsoo. Ya kini ki arngut wada mynsoo da pynkit ya ki cha ka Dr. Norman Tunnel Hospital.
Hei yaklam wa u Doctor ha kani ka hospital da ong wa uwi na kiwa mynsoo da toh u na khlieh katwa uwi won da toh u ha pyn ar tylli ki kjat.
Discussion about this post