Ka lieñsuiñ ka China Eastern Airlines kawa em 132 ngut da noh ko cha ki loom ka thaaiñ Guangxi, China ynne ka sngi katkam wa pyntip da ka Civil Aviation Administration ka China.
Kani ka toh ka lieñsuiñ Boeing 737 kawa lai cha Kunming na Guangzhou wei da wiar wei ym yoh yaklam de waka heipor wa hær ko najrong ka sor Wuzhou. Ki bru paidbah wa em hapoh kani ka lieñsuiñ toh 123 ngut wa 9 ngut kiwa pynlai ya ka.
Ym pu tip yei daw wa haap kani ka lieñsuiñ tangwa da noh ko 25,000 phut hapoh ar minit wei da hær ko 29,000 phut cha suiñ chwa wow sdang ko u noh chapoh khyndaw wei ym ye de u boodien wei da wiar ko manda poi ko 3,200 phut.
Yei thaw wa noh kani ka lieñsuiñ da yoo da ki bru wei da man i wa kop diñ wei wa joor bha i tdem.
