Jowai : Ynne ka 24 tarik dangstep bha kawi ka bos Nightsuper wa wan na ki thaiñ Silchar da haap ko ha kawi ka synrang wa em ha Ratacherra, East Jaintia Hills.
Ki bor pulit da pyntip ki wa ha ini i jia da mynsoo boon ngut wei da em uwi uwa da yap. Ya kini kiwa mynsoo da yarap pyllait da ki paidbah, ki pulit wa ki chipai BSF wei da pynkit ya ki cha ki thaw sumar.
Ya uwa yap da tip pyrtuid kam u Saurakh Chaudhury uwa 47 snem i rta u khon u Sukdeo Chaudhury, na ka chnong Lalpur, Ward No 4, Dist Khagahria, Assam.
Ki pulit dang takit ki yeidaw wa haap kani ka nightsuper wei neiliang u WYRTA daw pyntip chooh chooh i ya phi.
Discussion about this post