Shillong: Ka jylla Meghalaya daw jied ko ya kiwa mihkhmat ha kani ka 27 tarik uni u bnai katwa kamtæ ka Election Commission of India (ECI) ha ka hukum wa katkam ki kyndon 63,64 wa 65 neibynta kiwa kreh party, wa kiwi kiwi wa hap mih noh ki.
Da khang ya kiwa kreh party wa kiwa kyrchaan ya ki kyrtong wa wan na baar Constituency wow em ki hapoh Constituency hadien wa da kut i por yalap itæ ha ka 25 tarik uni u bnai.
Yeini da leh khnang wow man ka Election kawa laibait wa kawa khooid.
Katwa kamtæ da kyrpaad ya waroh kiwa kitkaam ki party wa kiwa kyrchaan ki kyrtong wow bood ki ya kani ka hukum.
Da kyntu ya waroh ki Hotel/Guest House wa kiwi kiwi wow bood ki ya kani ka hukum wow pyntikna ym sah de ki hapoh ki Constituency wa ym em Vote ki.
Discussion about this post