U sarok Laitlyngkot hadooh Lyngkyrdem uwa dang em hei pynchna pynheh kattæ deiwa sliah ya ki chariñ loom, neipor cheipor jooh wanrah u yei jia wa sñiawsih heiwa ki kari wa lai luti da jooh chah rah chah rong ki hei oor moo oor khyndaw wei chah ban ha ki moo.
Ha kani ka kynti leh kawi ka kari Suzuki Super Carry kawa em Number ML-10D-3097 da chah ban ko ha u moo uwa da haap na chariñ loom.
Uwa yah ya kani ka kari uwa na Umsning da khana u wa heipor wa lai luti wei dang em leh ki kari pooh chiloom kiwa tih, da wan uwi u moo uwa najrong uwa da haap ha kani ka kari.
Kani ka kari da chah ktah bha i bynta wa nakhmat ko wei da embhah wym em haap ko cha synrang deiwa em ki moo ha rood sarok.
Uni u sarok kamwa man kattæ toh uwa chah u lai du nadooh 10:30 i step hadooh 3:00 waje i sngi wei nadooh 9:00 waje i miet hadooh 4:00 waje i step yow e laad ya kiwa kreh yow leh yei kaam yong ki.
Discussion about this post