Shillong : Katkam ka khubor wa da yoh da ong wa uwi u khynnah wa dang 6 snem heipor wa dang yaleh ke u ha pchem yung u da chah riñ light (electrocuted) neidaw wa oor uwi u post light ha jrong yung wa sah u wei da riñ ka light oo ha ki wire light wa tkut na uni u post light.
Ini da jia i ha ka 27 tarik u Naiynñiaw (July) wa da dep heipor 2:30 i sngi ha ka chnong Sohiong ha i dong wa tip kam i Lenmawtap.
Uni u khynnah toh u khon ka Billiti Kharjana wa u Punistar Marboh kiwa da pyntip ha ka seiñ People’s Mission heiwa kiwa ha yung yong oo da ong ki i bor diñ toh iwa joor bha hadooh wa iñkhaw wa ki sula wa sap u.
Da pyntip leh wa u post light wa em ha jan yung yong ki toh uwa da dor nadooh ki por wa dat ka la-ær yong wei da dep pyntip kiwa ha yung cha ka MeECL yei ma wa booh ya ki neidaw wa uni u post ye u u kheiñ heiwon iwon i por. Tangwa ka MeECL ym em leh ko iwon iwon yow kylliang ya uni u post light.
Neiliang ka MeECL ym em e ki leh i yi i yi i yarap ya uni khynnah lait noh wow kylliang ya u post light wa oor.
Ya uni u khynnah da sumaar ya oo da i stad kobiraij.
Discussion about this post