U SP ka West Jaiñtia Hills District da pyntip u wa ar ngut kiwa pynyap bru da phah kset ya ki chi rta hadien wa dap 10 snem wa da leh ki yeini i kaam.
Ya ini wa jia da yoh FIR ha Nartiang PIC haka 06-05-2014 heiwa uwi u bru wa tip kam u Prodic Nangbah uwa na chnong Mynkrem da chah pynyap dusmon u ha ki le ngut ki bru wa tip kam u Chalbinal Nangbah, u Salbinal Nangbah wa u Belting Tyngkra heiwa ya ka Case da Register ha Jowai Police Station heiwa yaka takit da leh da u SI C. Lamare wei da Charge Sheet ya kiwa emkti hapoh ka kyndon 302/34 ka IPC.
Kamtæ hadien 10 snem i booddien yow yoh yei hok, neiliang u District & Sessions Judge, West Jaiñtia Hills District, Jowai haka 3 tarik uni u bnai da rai pynrem u deiwa phah kset chi rta ya u Salbinal Nangbah wa u Belting Tyngkra kiwa na chnong Mynkrem deilang waka kuna wa Rs. 5000 deiwa pynngat ki hapoh ka kyndon 302 ka IPC kam kiwa pynyap ya u Prodic Nangbah.
Ha ini i por, uwi na kiwa chah pynbaad, u Chalbinal Nangbah da khlaad noh u ha ka 06-04-2017.
Ka yung bichaar da phah su ko leh Rs. 3 lak cha ka yung uwa chah pynyap.
Discussion about this post