• About Us
  • Contact Us
  • Privacy Policy
  • Advertise With Us
  • Terms & Conditions
Wednesday, August 6, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Hadien 10 snem wa kreh kam u Doctor thok chah kem uwi na Assam

Wyrta Staff by Wyrta Staff
August 6, 2025
Reading Time: 5 mins read
A A
0
Share on FacebookShare on Twitter
ADVERTISEMENT

Ka Anti-Quackery and Vigilance Cell ka Assam da kem ko ya chiboon ngut ki Doctor thok hapoh ka jylla wa kynthup ya uwi ha Cachar District uwa dadep wow pynkha khon deiwa pooid (Caesarean Section) da palat 50 sien wei da leh u yeini da palat 10 snem.

Uni u bru wa tip kam u Pulak Malakar (43 snem) toh uwa na Sribhumi District, wei da kreh u ha kawi ka Hospital ki bru samen wa em ha Silchar, Cachar District wei da bna naam u kam u Doctor wa pait ya kiwa punkhon wa i pynkha khon (Obstetrician and Gynaecologist).

Hei takit ki pulit da chem ki wa u Malakar jooh kreh u kam u Fourth Grade ha kiwa boon ki Hospital ha Barak Valley nadooh ha Cachar, Hailakandi wa Sribhumi District chwa wow man u kam u “doctor” deiwa em ya ka MBBS Certificate wa da chna thok.

Hawa pyntip yeini, u Superintendent of Police ka Cachar, u Numal Mahatta da ong u wa da kem ya uni u bru ha ka 3 tarik uni u bnai wei da lai rah oo hakhmat ka yung bichaar kawa da phah wow kset oo ha kti ki pulit 6 sngi.

Related posts

Dawa ka HNYM wow booh da ka Non-Tribal Checkpoint ha Ratacherra

August 6, 2025

Chem ka KSU ya u bru wa em ka ID pulit Meghalaya wa khrong bai psiah na ki baar jylla

August 6, 2025

Da pyntip leh wa ka Medical Certificate wa pynemkaam uni u bru wa kam u toh kawa da yoh na ka College sorkar wa em ha Odisha toh kawa thok wei da kreh u kam u Doctor ha Silchar nadooh u snem 2015 wei ki pulit dang pynman ki ya ka takit yow chem ya kiwi wa emkti wow dai ya kini ki Certificate thok wa em ha Barak Valley.

Kam chibynta i pyndooh ya kini kiwa sumaar thok namo ki Doctor thok, ka Assam Anti-Quackery Vigilance Cell dadep kem ko ya ki 50 ngut ki Doctor thok ha kylleiñ ka jylla wei yeini da leh da ka Assam Council of Medical Registration.

U Dr. Abhijit Neog, Vigilance Officer ka Anti-Quackery Cell da pyntikna u yeini i chah kem ki Doctor thok.

Da ong u wa ka Anti-Quackery Vigilance Unit da sdang ko wow krehkaam nadooh u Duyatra (Jan) uni u snem 2025 wei nadooh itæ da yoh kem hadooh 50 ngut ki Doctor thok dei krehlang wa ki pulit.

Chooh chooh da ong u wa kini ki Doctor em ki ya ki Private Clinic wa Hospital wei boon na ki em ki ha ki thaaiñ wa rep slacha kam ha Tinsukia, Cachar, Hailakandi wa Sivasagar.

U Dr. Neog da ong u wa boon kini ki Doctor pynemkaam ki ya ki kot wa chna thok heiwa eh bha u tip ya ki da kiwa boon wei em won leh kiwa pynemkaam da ki pyrtuid yong kiwi ki Doctor wa da pyndep yei puræ.

Da ong u wa chisien wa da biang ki sabut da e ya ka Zero FIR ha Guwahati CID Police Station kiwa phah won ya ki pulit wow leh yeiwa emkaam ha jar jiar ki thaw.

Kiwa chah kem da pynngat ya ki hapoh ka aiñ Bharatiya Nyaya Sanhita (BNS) wa ka National Medical Commission (NMC) Act.

ShareTweetSendShare
Previous Post

Hadien 12 sngi lai pait ki Montri sorkar ya kiwa chongdai wa da kyrriah chapoh ka MUDA

Next Post

Phah ka sorkar jylla wow pynkylla biang ya ki kari kamwa man heipor wa thied | Da e por 60 sngi

Related Posts

News

Dawa ka HNYM wow booh da ka Non-Tribal Checkpoint ha Ratacherra

August 6, 2025
News

Chem ka KSU ya u bru wa em ka ID pulit Meghalaya wa khrong bai psiah na ki baar jylla

August 6, 2025
News

Da pynbna sa 7 tylli ki chnong wow lai luti u sarok 4-Lane

August 6, 2025
News

Phah ka sorkar jylla wow pynkylla biang ya ki kari kamwa man heipor wa thied | Da e por 60 sngi

August 6, 2025
Next Post

Phah ka sorkar jylla wow pynkylla biang ya ki kari kamwa man heipor wa thied | Da e por 60 sngi

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar