Hadien 14 snem yoh ka Shillong Press Club ya kiwa ksohkaam wa thymme

Hadien 14 snem da yoh wow jied ya kiwa ksohkaam wa thymme ka Shillong Press Club (SPC) ha ka Election wa da pynman ynne ka sngi heiwa da jied ya u President, General Secretary wa Treasurer.

Yei kyrdan President da yoh u Deimaia L. Siangshai uwa man kam u Editor ka kot khubor Mawphor uwa da yoh 91 Vote, hei wa ar da yoh u Joe Thangkhiew uwa kreh ka Batesi TV uwa yoh 67 Vote katwa hei wa le da yoh u Raphael Warjri uwa yoh 6 Vote.

U Dominic Savio Diengdoh uwa man kam u tre ka T7News da jop u kam u General Secretary khlem em wa yieñ yaleh pyrchah.

Ya ka kyrdan Treasurer da yoh u Greshome Hat uwa man kam u Editor U Peitngor uwa da yoh 113 Vote katwa u Martin Nongkhlaw uwa kreh ka Batesi TV da yoh u 50 Vote.

Ya kani ka Election da pynlai da ka Directorate of Information and Public Relations (DIPR), wei da pynman ha ka yung krehkaam ka SPC wa em ha Lachumiere.

Related posts

Maham u heh ka Russia wow pynemkaam da ki Nuclear hadien wa kem ka US ya ka jhaad kit phniang

January 8, 2026

Dawa ka President ka Venezuela wow pynuiñ ya u Maduro wa ka kurim u

January 8, 2026

Waroh kiwa thap Vote da em ki 164 ngut.