Nongstoiñ: Hadien ar bnai, ki pulit yong ka Nongstoin ynnin ka sngi 14 tarik da yoh kem ki ya uwi u bru uwa suba joor wa emkti u wow tynyap dusmon ya ka khyllood Daritngen Syiem Shangoi kawa na ka chnong Siejlieh, West Khasi Hills.
Ki pulit da yoh kem ki ya u Melvin Sohlangpiaw (24 snem) na ka chnong Pyndengrei, Nongstoin uwa na chnong Klangrin na ka thaiñ Langpih hadien wa pyman ya i thooh wa joor bha ya oo.
Katkam ka khubor na ki pulit, u Melvin Sohlangpiaw da suba joor wa da tynyap dusmon u ya ka Daritngen Syiem Shangoi (19 snem), heiwa yei metyap yap yong ka wa da pyut da chem na khloo harood ka wah Nongpathar ha Nongstoin.
Ki pulit da pyntip ki wa uni u bru da phla u wa tynyap u ya ka Daritngen ha ka 19 tarik u Thohlakhmi (February) 2017 heipor 7 waje janmiet hadien wa mih i khajia hapyrdi yong oo wa ka Dari. Hadien wa yoh kem ya u Melvin, ki pulit ki da pynngat ki ya oo ha ki kyndon ka aiñ wei kattæ u em u ha kti ki pulit 5 sngi.
Ka Daritngen Syiem Shangoi da wiar ko na yung la kamwa chi bnai tam chwa wow chem yei metyap yong ka wei ka man ko ka khonswet wei sahlang ko wa u diah ko uwa dang 15 snem i rta ha chnong Siejlieh wa jngai du 2 km na Nongstoin.
Also Read: Chem ya i metyap ka kynthai wa chah tlep harood ka wah
Discussion about this post