Jowai: I metyap wa ar wa chem nadooh ka 26-01-19 na ka krem mooyong kawa chah kset sa 14 ngut ha Ksan, EJH heiwa ya iwi da dep sai, i metyap wa ar kattu la 20 sngi ym pu chem biang ki.
Da pynemkaam sa ar tylli ki kor ROV kiwa da psiah chapoh ki paar mooyong yow thooh ya kiwa chah kset tangwa suki i krehkaam wow chem luti.
Neiliang ka CIL da taan um ki 36 kynta deiwa kheiñlang ya i krehkaam ki ar tylli ki Pump yong ki nadooh ynnin ka sngi hadooh 5 waje i janmiet ynne ka sngi wei da sai 4860000 liter ka um.
Ka Kirloskar won da taan um ko 32 kynta da ki ar tylli ki Pump nadooh ynnin ka sngi hadooh 5 waje i janmiet ynne ka sngi wei ka um wa da sai da poi 5760000 liter.
Ka KSB leh da taan um ko 32 kynta nadooh ynnin ka sngi hadooh 5 waje i janmiet ynne ka sngi deiwa pynemkaam 2 tylli ki Pump wei da sai 6336000 liter ka um.
Neiliang ka NDRF da yarap ki wow pynlait ya ka kor ROV kawa sahkut hapoh krem mooyong kamjooh ya i emkaam yong kiwi.
Discussion about this post