Hadien 91 snem yoh ka Chutwakhu ya ka yung krehkaam wa pura

Jowai : Ka Chutwakhu Social Welfare & Local Dorbar, Jowai ynne ka sngi da wai ko ya ka yung krehkaam namo ka Office Building yong ka wa paka hadien 91 snem wa seiñ ya ka.

Kani ka Office Building toh kawa da chna hei lut kamwa T. 11 Lak heiwa T. 2 lak da yoh na u MP ka Shillong katwa T. 1 Lak na JHADC lyngba ka MDC Grant. Ya ka poisa wa T. 6 Lak won da sai na ka yarong poisa yong ka dorbar.

Ya kani ka yung da sdang u chna ya ka nadooh ka 21 Wisu (March) 2016 wei da pyndep ya ka du hapoh 10 bnai donhi.

U ma Thombor Shiwat C.E.M JHADC wa man kam u kongsan wa u Andrew Shullai kam u symbood kongsan pyn-ar da ban joor ki yeiwa emkaam wa waroh ki dorbar chnong u pynthymme noh ki yei rukom krehkaam hei yatoh wa ki kot ki sla hei rukom synchaar khaddar khamtam katni wa da em ka aiñ ka Council ka wa da kdaw yei rukom krehkaam yong ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong ki leh wa hadooh ki Dolloi leh ka council da e thaw kreh ya ki waroh yow pynkhlan yei rukom kreh ki.

U Secretary ka Chutwakhu u R. Shylla da ong u wa da jied ya ini i thaw neibhah wa man i ha pyrdi wei waroh ki dkhot leh suk ki u wan cha ki yalang neibhah nachwa hapoh ka Indoor Sports Hall wa em ha Jrisaleiñ boon kiwa da ood wa ong wa jngai i thaw. Ini i yungkrehkaam toh yow pynsuk leh ya kiwa kreh kiwa ksoh kaam khamtam ya ki secretary yow suk ki u booh ya ki kot ki sla.

Ya ka report heiyatoh wa i lut i sep da e da u P.W. Lyngdoh, Joint Secretary uwa heijooh i por da e u ya ki ktien e khublei.