Hadien ar bnai tam leh ym ye ka PIO ka BDO Thadlaskeiñ u jubab ya ka RTI :KJNU

Jowai : U president ka KJNU da pyntip u wa ka Public Information Officer (PIO) yong ka Block Development Office (BDO) wa man leh ka BDO ka B. Blah, da tyngkheiñ ko ya ka aiñ RTI deiwa khlem jubab ko ya ka RTI wa da booh nadooh ka 28.09.16 iwa da palat ar bnai tam kattu.

Ka seiñ da pynrem joor ko yeini wei da ong ko wa katkam ka aiñ RTI toh u e jubab hapoh 30 sngi.

Ha ka RTI da paan ya ki jait Scheme ki Grant wa em hapoh kani ka thaw kreh kamjooh ya ki pytruid kiwa kreh wa i rukom yoh kreh ki hapoh ka ophis BDO. Da kylli leh wa lai ki katkam ki kyndon ka DSC namo ym em.

Da paan leh ya ki kot ki sla wa kammon ka yung krehkaam pynbiang ko yei emkaam yong ka nadooh ki kari motor kamjooh leh ya waroh ki pyrtuid ki bru wa yoh myntoi na ki scheme waphær waphær nadooh u snem 2010.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang ka seiñ KJNU da ong ko leh wa lada ki yutip wa ka seiñ paan ko ym em ki waka ophis ka BDO toh i yong ka i kaam wow phah ya ka RTI cha kiwi ki tnat katkam ka Section 6 (3) yong ka RTI 2005.

Hawa khadooh lada ym ye u e yei jubab toh u pyntip ko ya i daw, wa ha ka yi ka nongrim wa ym ye u jubab ya ka RTI.