Hadien ar snem chiteiñ wa da khang ya u pood Indo-Bhutan neidaw ka khlam COVID-19, ynne da wai biang ya ka Bhutan Gate wa em ha Jaigaon, West Bengal yow pdiang biang ya kiwa uiñke suwari.
Ya kani ka Bhutan Gate da wai ynne i step deiwa emlang u Prime Minister ka Bhutan, u Lotay Tsering wei da pynman leh ya ka yalang wa da emlang kiwa mihkhmat ki ar ri wei hadien wa wai ya kani ka Gate pyn ynne ka sngi da chah wow psiah ki bru chapoh Bhutan.
U Ambassador ka Bhutan, u Majaor General Vetsop Namgyel da khana u wa ya ki nong India daw hap ki wow su T. 1200 chi sngi kam ka Sustainable Development Fee yow lait ware u boon kiwa uiñke suwari.
Nadooh ynne ka sngi leh ym emkaam de wow leh Quarantine hawa psiah cha Bhutan wei ym hap wow chah Test tangwa emkaam wow pynyoo ya ka Vaccine Certificate.
Nadooh ynne ka sngi leh ka Bhutan da pdiang ko ya kiwa uiñke suwari na kiwi ki pyrthai leh.
