Ynne ka sngi deiwa chiat sa arngut kiwa dang chah ktah ha u COVID-19 ha East Khasi Hills District da pynman ko ya ka Meghalaya hei sien nyngkong wym em de kiwa dang chah ktah nadooh wa em wa yoh nyngkong ya uni u khñiang hapoh ka jylla ha u Naitung (Apr) 2020 iwa da man la ar snem tam.
Ha kini ki ar snem tam da em 93,826 ngut kiwa da dep yoh ya uni u khñiang wa 1593 ngut kiwa khlaad.
Kiwa boon dooh kiwa yoh toh ha East Khasi Hills kiwa da em 47,098 ngut wei hei wa ar da em ka West Garo Hills wa em 10,725 ngut katwa hei wa le da em ka Ri-Bhoi wa em 10,325 ngut kiwa yoh.
Kiwa yap leh kiwa boon dooh toh ha East Khasi Hills wa em 1075 ngut, wa ar ha West Jaiñtia Hills 139 ngut waka Ri-Bhoi hei wa le kiwa em 98 ngut. Deiwa kheiñlang waroh, kiwa yap da em ki 1.69%.
