Ka khlam u COVID-19 hadooh kini ki sngi wa dadep da ktah ko ya waroh ki jylla wa ki Union Territory hapoh ka ri, tangwa ynnin ka 18 tarik, ka Union Territory of Lakshadweep ha ka sien wa nyngkong dooh da chem wa em wa chah ktah ha uni u khñiang nadooh wa chem nyngkong yaka ha China hawa kut u snem 2019.
Da chem wa uni u bru toh uwa wan cha Lakshadweep na Kochi, Kerala ha ka 4 tarik da ka jhaad wei dang booddien ya ki 31 ngut kiwa yachem wa oo (Primary Contact) heiwa na kini da chem wa 14 da chah ktah ki ha uni u khñiang.
Chooh chooh dang booddien leh sa ya kamwa 56 ngut khnang wow leh yeiwa emkaam.
Neiliang ka Ministry of Health & Family Welfare da phah ko ya ki bru wa chemphang wow yarap wow khang yei poor kani ka khlam wei kini ki bru chemphang toh kiwa na Jawaharlal Institute of Postgraduate Medical Education and Research, Puducherry; National Institute of Virology, Pune wa na ka Regional Office of Ministry of Health & Family Welfare.
