I oor khyndaw biang ynne ha Sonapur Tunnel heipor step da wanrah ym du yei sahkut kari hadooh wym pu lait u lai laitlooid ki kari hadooh ynne i miet tangwa da booh leh yei maa ya ka yingkieñ ka Wah Lukha neidaw wa da pynyieñ ya ki Truck wa khia boon tylli ha kani ka yingkieñ kawa man leh kam chibynta u sarok NH06.
Neiliang u Diapherbha Lamare, General Secretary ka chnong Sonapyrdi da ong u wa da dep wow pyntip wei da kyrpaad ya ki pulit wym toh u chah u pynsangeh kari ha kani ka yingkieñ kawa em hajan ka Tunnel da kiwa kit palatpood kiwa da yieñ ha lynter kani ka yingkieñ nadooh ynne i step tangwa ym em wa ap.
Kamtæ da ong wa ye u kheiñ kani ka yingkieñ lada man kamni bait wa pynyieñ kari.
Kani ka yingkieñ Lukha toh kawa pynyabi ya ka Barak Valley Assam, Mizoram wa Tripura wei heijooh i por man ko kawa emkaam bha hapoh East Jaiñtia Hills.
Kamtæ ka chnong da kyrpaad ko ya ki bor District wow pynkrehkaam noh da ka Section 144 CrPC wym hoi de u pynyieñ kari ha kani ka yingkieñ khnang u lait u kheiñ ko.
