Hadien wa jan dap 3 bnai wa sah i jhep khlem kit na ki thaw wa pynman yaw ha Jowai heiwa i jhep wa da lang da man loom khian ki nadooh ka 04-02-22, ynne i step da chem wa da kit noh yeini i jhep nadooh i miet deiwa rong da ki pooh chi loom yow noh hapoh ki Truck Dumper.
Ha Iawmusiang waroh ki thaw wa da lang bha i jhep wa kynthup ya iwa em hajan ka yung krehkaam u DC wa iwa em hajan ka Thomas Jones Synod College toh kiwa da kit wei na Iawthymme leh da sdang kit noh ki.
Tangwa i jhep wa lang hajan ka skur HK Singh Memorial Secondary School ym pu em kit kamjooh kiwa da lang dang sah ha ki luti syngkieñ khamtam ha Iawmusiang.
Kattu i yukylli wa mih na kiwa boon toh cheiwon u noh yeini i jhep.
Kamwa man kattæ dang yang yei rai ka Dorbar Chnong Khliehtyrchi wow e bor wow lai noh cha i thaw wa em chajan i thaw thang bru ki Hindu heiwa lada chah ki daw pynemkaam ya ini i thaw chipor neibynta 3 bnai.
Sa iwi i laad toh i yang yei rai ka High Court myntu hajrong ka mukotduma wa da yaleh da ka Synjuk Waheh Chnong Jowai heiwa ynne da phah wan leh ya kitu kiwa pyrchah yei noh jhep ha Mynkjai wei ye u mih ka hukum wow noh jhep biang ha ini i thaw chibet chipor.
Iwa khaddooh toh i krem mooyong wa em ha Moolamylliang katkam wa da ya soi soskular.
