Jowai: Ka Moochrot Village Organisation (MVO) ynnin ka 20 tarik da pynman ko ya ka yalang pynsñiawthooh paidbah deilang wa ki 18 tylli ki Self Help Group (SHG) yong kani ka chnong waka National Rural Livelihood Mission (NRLM) wei da pynman leh ya ka pynkhooid chnong.
Ha kani ka yalang da klam chaphang wa kammon u man kiwa lehkhooid nadooh ki jhep, ki paikhana, ki plastic kamjooh leh wow pynemkaam ya ki thaw noh jhep (Dustbin) kiwa em hapoh chnong kamjooh leh cha kiwi ki thaw.
Ha kani ka sngi da wan wai ya kani ka yalang da u MDC ka thaaiñ ka 13 Saphai Constituency u Chanky Lyngdoh uwa da ong wa i khooid i jngiar toh u sdang na yung chwa wei wow pynbood won sa ha ka chnong ha thaw khamtam ha wa lai cha kiwi tawon ki thaw kam cha ki thaw lai uiñke suwari yow man kiwa pyrkhat wymtoh u pyntaroi wei wow pynemkaam ya ki Dustbin.
Discussion about this post