Hadien ki kaam ki ar tylli ki SHG da sdang won sa ya ka skur miet ha Nongkroh

Jowai: Ki ar tylli ki SHG na ka chong Nongkroh, West Jaiñtia Hills District kiwa tip kam ka Shaphrang SHG yong ki chynrang wa ka Kiewshaphrang SHG yong ki kynthai da yachem ki ya kamwa 110 ngut ki khynnah puræ Bachelor of Social Work (BSW), St. Edmunds College Shillong hei yatoh wa ka rep ka riang.

Neiliang kini ki ar tylli ki SHG da klam u Albinus uwa man kam u Secretary yong ka Shaphrang SHG uwa da khana wa toh ki khlan ki u rep ya u syiñ uwa dai ki hadien wa dep tylliat ki ya oo wei da chna switmit ki leh na oo. Da pyntip u leh wa kani ka SHG leh da dep seiñ ko ya ka skur miet yow yarap ya kitu kiwa dam skur chiteiñ por.

U Remeo Nongspung won da pyntip u wa ya ka SHG yong ki da seiñ yow wanrah yei kylla ha ka rep ka riang kamjooh yow wan rah ya i ya tylli ha pyrdi kiwa rep.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa ki training wa yoh ki na ka SURE ka seiñ wa kyrchaan ya kini ki SHG da yarap bha ko ya ki wei da yoh ki leh u lai cha baar jylla yow pynpliah ya i rukom rep yong ki.

Ki dkhot ka SURE ka Deadideakeami Mohrmen kawa man kam ka Field Coordinator da batai ko chaphang ka SURE wa i rukom krehkaam yong ka, hadien won da klam u Habandajop Lyngdoh uwa da batai chaphang kammon wow seiñ ya ki SHG kawa man leh ka project yong ka NABARD kawa pynkrehkaam da ka SURE.

Ka W. Syngkon kawa sikai ha St. Edmunds College, Shillong da ong wa ki khynnah wa sikai ko toh kiwa puræ hei yatoh wa i imlang sahlang wei da dep yachem ki leh wa kiwa boon ki SHG ha kylleiñ ki thaw tangwa i krehkaam ki SHG ha Nongkroh tow iwa da lai bha cha khmat.

U Remeo hei yaklam u wa kiwa thoh khubor da ong u wa ini i yoh u yasyllok wei wow phyllu yumut wa kini ki khynnah puræ da e bor e mynsien ko ya ki kam kiwa rep wei yooluti ki leh wa daw yoh chooh kam kini ki laad neini cha khmat.