Hadien wa hiar u slap wa joor ynnin wa ynne ka sngi, da em i piah ki ar tylli ki nan dakha ha chnong Mooshrot wei ini i piah kini ki nan da ktah i leh ya ki hali kba.
Kini ki nan wa ki hali toh ki yong u Rimi Lathong uwa na kani ka chnong wei da ong u wa ki dakha ha kini ki nan em ki kamwa 2,000 tylli ki symbe wei u kba won ha ki hali da em chi bhah wa dadep ah katwa dang em leh uwa dang sah tangwa kiwa dang sah da chah ktah ki ha ka um wa i ktieh wa kit ka um.
Ini i jia da pynsepai i ya i kreh iwa waroh chi snem wei da pyndooh mynsien i leh ya u Rimiki.
Katwa kamtea dei mynsien wa khia da kyrpaad u ya ka sorkar wow yarap ya ki warep kiwa chah ktah ha ki bor ka rymaw khnang wow ye biang ki wow chna yeiwa da oor da haap.
