Delhi: Ka India da phah ko ar tylli ki jhaad yapam cha Japan wow tyrwa ya ka hadien wa chah ktah ko ha u Typhoon Hagibis, da ong ka Indian Navy ynnin.
U montri rangbahdooh ka ri, u Narendra Modi ha u twitter da phah u ya ka wyrta sñiawlem cha ka Japan deiwa pynrap wa ki chipai Indian Navy kiwa em ha Japan man ki kiwa smat wow yarap ya ka ri kam ha kini ki por.
Ha kani ka ær-yong da dooh hadooh 26 tylli ki mynsien bru hadien wa wan hiar khyndaw ko ha i miet ka Sngi Chohthat iwa da wanrah yei chlai um.
Ka Indian Navy da phah ko ya ka jhaad yapam INS Sahyadri wa INS Kiltan wow e yarap ya ka Japan lada jia wa ka Japan paan yarap ko, da ong ka Indian Embassy ha Japan chirup wa ka Defence Ministry.
Discussion about this post