Hadien wa chah tyrrah uwi chemdien ki pulit ya kiwa pyndait Siren wa ki Number Plate sorkar

Hadien wa jia wa em i chah tyrrah kari uwi u bru wa tip kam u Narbhahadur Thapa (54 snem) hadooh wa khlaad heiwa uwa yah kari da yut u deilang waka kari na i thaw wa jia haka 26 tarik uni u bnai nyngkong ha Nalapara, Guwahati wa dang haap hapoh ka Basistha Police Station ha u sarok NH-27, ki pulit ka Guwahati da pynman ki yei takit wei da yoh ki wow kem ya ki ‘Siren Gang’ iwa mut ki bru wa da pyndait ya ki Siren ha ki kari ki iwa man leh pyrchah yaka aiñ.

Ka kari wa tyrrah ya uni u bru toh ka Scorpio kawa em Number AS-01FF-0555 kawa da thoh leh ya ki kyntien ‘Govt of Assam’ haka Number Plate.

Hei takit ki pulit da kem ki ya u Arin Kataki (20 snem) haka 9 tarik heiyatoh wa ini wa jia wei da chem leh ya kani ka kari kawa da murieh u hapoh kawi ka karkhna chna kari wei kani ka kari toh kawa da pyndait lang waka Siren.

Ki pulit da ong ki wa ini wa thoh ki ‘Govt. of Assam’ ha ka Number Plate deilang waka Siren da man ko pyrchah yaka aiñ.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Hawa takit ki pulit ya u Arin da chem leh kiwi de kiwa emkti ha ini i kaam wow pyndait Siren wei wow thoh ya ki Number Plate wa kam toh ki kari sorkar wei waroh ki kari wa da yoh kem da em ki 9 tylli kiwa man leh ki kari sy’at dor nadooh ki Innova (3 tylli), Fortuner (kawi), Alcazar (kawi), Thar (ar tylli) wa ki Scorpio (ar tylli).

Ki tre kini ki kari toh ki sahep sorkar wa ki heh spah tangwa kiwa da pynemkaam da ki khon yong ki.

Kini ki heh sorkar kynthup nadooh u Inspector ka CID, u Assistant Conservator of Forest, u Assistant Director of Employment katwa kiwi won toh ki bru wa khih yei kaam yong samen wei da em leh u Contractor ka PWD.

Ki khon kini kiwa yah ya kini ki kari toh waroh kiwa dang lai puræ nadooh Class-XII, M.SC, B.Sc wa B.A.