Ka sorkar jylla ynne da ye ko wow poi cha ka thong yong ka iwa da sahteiñ da slem wow kyrriah ya kiwa chongdai madan wa em ha Shillong, heiwa ka bhah wa nyngkong namo ka First Phase toh iwa da leh ha Khyndailad iwa da ye noh wow pyndep.
“Ka thong wa da leh yeini toh yow pynman ya ki luti syngkieñ kiwa kyllooid kamjooh deiwa e thaw chongdai da iwa biang deiwa em ki kyndon,” da ong uwa e ktien ka sorkar MDA-2 uwa man leh kam u Montri ka chnat Social Welfare, u Paul Lyngdoh deiwa pynrap wa ka sorkar da pyrchang ko yeini kattu la ar snem.
Ki thaw chondai wa dadep chna ka sorkar da em ki 365 tylli ha ka thaw pynyieñ kari ka MUDA wei da e ki cha ki 282 ngut kiwa da em ya ka Certificate of Vending (CoV) kiwa da ye wow pynhun ya ki kyndon wa da booh ka sorkar.
Ya kini kiwa da yoh CoV toh hadien wa dep u sorjamin ya ki 1400 ngut kiwa chongdai wa em hapoh Shillong Municipal Board heiwa ha Khyndailad da em 407 ngut kiwa chongdai kiwa em hok wow yoh ya ka COV wei na kini da em 311 ngut kiwa wan chim ya kini ki CoV wei da em 282 ngut kiwa da chimbynta hei yabhah ya kini ki thaw chongdai.
Ka sorkar kam chibynta ini i kyrriah ya kini kiwa chongdai da su ko chisien su Rs. 10,000 neitæ daw e sa Rs. 2000 chi bnai neibynta ki san bnai yow kyrchaan ha kini ki por wa kyrriah cha ki thaw wa thymme.
Heiyatoh wa ki thaw chongdai ki wym pu em wa wan kam, ka sorkar da ong ko wa ym pu em yoh ujor lada em kiwa da pynuiñ ya ki CoV wei kitu kiwa em hok daw yoh hi ki yei thaw chongdai wei lada dang em ki wa dang sah khlem em wa chim daw saam ki khlem da leh chiliang.
Deiwa pyndep ya kani ka Phase 1, ka sorkar da thmu ko wow kyrriah noh ya kiwi kiwa chongdai wa em ha Shillong ha kini ki san bnai wow wan.
Discussion about this post