Jowai: Katkam ka yutip wa da yoh na ki pulit da ong wa u Joey L Katrai chirup wa u Richie L Malngiang wa u Rimeki Diengdoh da ujor ki wa ha ka 14 tark heipor 11:30 i miet, katwa dang kylliang tyre ki ha Police Bazar, Shillong, da em ki damok kamwa san namo ynru ngut ki bru kiwa da paan cigarette na ki kamjooh leh ya ki moile phone yong ki.
Kini ki le ngut da kyntait ki wow leh yeini kini wei ki damok da sdang dat ki ya kini ki le ngut.
Ha ini i awri u Joey da yoh u wow yut wei da lai u sak cha Shillong Sadar PS wei hadien ini ki pulit da kem ki ya ar ngut na kini ki damok kiwa kynthup ya u Shalam Nongrum wa u Bankyrshan Nongsiej, katwa kiwi won da yut ki na ini i thaw.
Kini ki damok da tooh ki ya kawi ka Pioneer double coil woofer, mono black amplifier, ki side speaker components, chabi kari, mobile phone, wa kiwi kiwi na ka kari ML-05J-7436.
Uwi na kini ki le ngut, u Isaac Surong da mynsoo u wei da pynkit ya oo cha CH Shillong.
Discussion about this post