Hadien wa kut ka Contract wa 11 bnai toh u thung kam kiwa kreh pura, dawa ki Nurse

Ki Nurse kiwa yaleh yei kreh Contract wa da khut da ka sorkar heiwa kiwa chah jied u kreh ki 11 bnai wei ye u pteiñ biang hadien wa kut, ynne da lai dawa ki na ka Montri ka chnat i chait i khiah, ka Dr. Ampareen Lyngdoh wa hadien wa kut ka 11 bnai ymtoh u pteiñ dei kreh Contract tangwa u thung noh ki kam kiwa kreh pura.

Kini ki Nurse da yachem biang ki ynne hei sien wa ar wa ka Ampareen hadien wa dep yachem ki ini wa dep wow dawa thung dei kreh wa pura ymtoh dei khut kreh Contract.

Ka sorkar ini wa dep da pynbna ko ya ka Walk-In-Interview neibynta 325 tylli ki kreh ha kiwa boon ki thaw sumaar sorkar deiwa su Rs. 30,000 chi bnai.

Neiliang uwi u Nurse wa tip kam u Lurstep Nongrum da ong u wa hawa yaklam hei yachem ini wadep ha ka 19 tarik da dawa wow pynsangeh chwa ya kani ka Exam.

Related posts

Yap uwi ha ka thaw tih mooyong ha East Jaiñtia | Lai khang ki pulit

January 18, 2026

Lada ym ye ka US u thied ya ka Greenland daw ngat dan ki ri wa yada ka hadooh 25%: Trump

January 17, 2026

Tangwa neiliang ka Montri da ong ko wa na ki daw wym ye u kiar kani u Exam u lai ko chakhmat.

Ini wa dep ka Ampareen da ong ko wa emkaam jhan ya ki Nurse wei yeini i khut kreh da leh katkam wa da pynbait wa ka chnat Finance.