Hadien wa da mih ki maham wa i chrai na kiwa na Assam neidaw wa khang ka HNYF ya ki kari Assam wow psiah cha ki thaw uiñke suwari ha ka 26 tarik deiwa pah liwan ki manda poi ki ha Umtyngar, neiliang ki seiñ kiwa kamai Tourist na Meghalaya wa Assam da yachem ki ynnin ka sngi ha Nongpoh yow yasuk noh.
Kini ki seiñ wa em 11 tylli na waroh ar jylla deiwa chimbynta kiwa yahkhmat ki da yachem ki wow pynche lada em iwon iwon i sñiawthooh bakla wei wow ya pynbait ya iwon iwon i eh ya kiwa yah kari kamjooh kiwa uiñke suwari.
Hawa kut ka yaklam da ye wow pynsñiawthooh ya kiwa na Assam wym em iwon iwon i khang da ka sorkar wow wan ki kari Assam wei iwa jia ini wadep toh neidaw wa leh ki kattu katni donhi.
Chooh chooh da ye u pynsñiawthooh wa pdiang hi ya kiwa uiñke suwari tangwa hadien iwa jia ha ka 26 tarik da joor i pynkulmar da kiwa boon kiwa da klam da thoh ha ki Social Media kiwa da ong wa da khang ya ki kari kiwa na Assam hanla ym em kam ini.
Da yaklam leh hajrong kiwa boon ki kari ki bru samen kiwa kamai kam ki Tourist wei da rai wow ksoh wei wow lai rah ki hakhmat ka aiñ.
Sa kiwi kiwa pyndooh nong ya kiwa kamai toh ki Booking Agent kiwa krehkaam pyrchah ya ka aiñ wei ya kini leh da rai wow ujor pyrchah ya ki wei da em leh kiwa khrong poisa ha Guwahati Airport iwa da pynkhia bha ya ka bai lutsan kiwa yah kari.
Kamtæ da rai wow ya krehlang yow myntoilang wei yow pynku ya ki kaam uiñke suwari ha waroh ar ki jylla.
Discussion about this post