U Montri Rangbah ka jylla, u Conrad Kongal Sangma da ong u wa i lai ka Montri ka chnat i chait i khiah, ka Dr. M. Ampareen Lyngdoh cha Tura da hap wow pynsangeh wei phah wan uiñ noh hadien wa da yoh ka khubor wa em ki seiñ kiwa da mih wow pyrchah.
Da ong u wa i lai ka Dr. Ampareen toh wow jngieh ya ki kaam wa yatoh wa ki kaam kani ka chnat tangwa hadien wa yoh yutip wa em ki bru wa rah lama yong ryngkat ki thuk-thuk, da phah noh ya ka Montri wow uiñ noh khlem lai cha Tura.
Kam wow kdaw ha ka 21 tarik, chwa wa u Montri Rangbah u khut yaklam u ya ki seiñbhalang ha Tura, neilang ka Dr. Ampareen da lai ko cha North wa East Garo kani ka thaaiñ ha ka 20 tarik wow pait yei man i long ki thaw sumaar wei ya i krehkaam ka chnat tangwa ha ini i lai iwa 3 sngi, ka Montri da hap wow uiñ noh ko ha ka ka 21 tarik hadien wa em ki seiñ wa pynman i chah thngan wei da em wa rah da ki lama yong wow pyrchah ya ka Montri hajrong i klam ko wym toh u pdiang yei pynman ya ka Tura kam ka nongbah tlang.
Puræ leh: Ymtoh u pdiang yei dawa Winter Capital, ong ka Ampareen
Discussion about this post