Hadien wa sdang pynchna ka NHAI, pynkut noh ka JAC ya i khang ya u NH-6

I yakhih khang sarok ka JAC iwa khlem booh por wow dawa chna pynmiat ya u sarokbah NH-6 na Tongseng cha Ratacherra iwa da sdang nadooh i step ka 19 tarik uni u bnai, dapoi noh i cha wakut. 

Ini i khang ya u sarokbah da pynthut i ya i lai i wan ki paidbah iwa da pynbor ya ka NHAI wow chna pynmiat noh ya uni u sarok nadooh i janmiet ka 20 tarik.

Ha ka 21 tarik da pynman ya ka yalang hapyrdi ki bor District ka East Jaiñtia, ka NHAI wa ki dkhot ka JAC heiwa ka JAC da yieñ skem ko wow pteiñ ya i khang sarok hadooh wa da chna pynmiat ya uni u sarokbah.

Ynnin i miet hadien wa da ood ware ki paidbah wei hadien wa yoo wa ka NHAI dadep chna pynmiat wei da pyndap ko ya ki bynta wa sih ha kiwa boon ki thaw, ka JAC wa kynthup lang ya ki 11 tylli ki chnong da rai ki wow pynkut noh ya i khang sarok.

Related posts

Daw pyndait sa 2,000 tylli ki Transformer wow pynmiat yei rukom saam bordiñ ha jylla

May 26, 2026

U Ardent toh u Crorepati, kammon dang pynyang borti u yow paan na kiwa dooh, ong ka HNLC

May 25, 2026

Neiliang ka JAC da e khublei ko ya ki paidbah kiwa da kyrchaan ya ka ha ini i yakhih kamjooh ya u Dolloi ka Elaka Narpuh wa kamjooh leh ya ki seiñbhalang kiwa da yakrehlang wa ka.