Jowai: Ha ka 15 tarik uni u bnai kawi ka truck 6 chaka wa em u number ML-10-5774 da sih ko ha Ummulong hajan Madan Khawang wei hadien wa phah pynoo ki pulit ya ka chalan hei yatoh wa ki mar wa kit ko, da chem wa em 480 churia i khyndaw bilat kiwa khia 24 Metric Tonne iwa palat ya ka 9 Metric Tonnes wa chah ka aiñ.
Hadien wa dep chna ya kani ka truck da li thaw khia biang ya ka ha 7th Mile Weighbridge wei da chem wa i khia ko da poi i 24,970 Kg. Uwa yah ya kani ka truck u Bormon Lyngdoh da pyntip u wa ini toh katkam wa pynkit na Dalmia Cement Factory wei wow pynhaap ha Byrnihat, Ri-Bhoi District.
Da pyntip u leh wa da dep lai u ha ka Umtyra Weighbridge wa em ha East Jaiñtia Hills tangwa da su u da ka poisa tæ lait u khlem thaw khia.
Ki Pulit da ong ki wa da che bha wa ka Dalmiya Cement da pynkit palatpood ko deiwa leh khnang wei ka Umtyra Weighbridge da pyllait chanam ko ka kani ka truck iwa pyn sih ya u sarok wei ye ki u pynchitom ya pyn ar yeini wa leh ki.
Ya u wa yah truck da kem ya oo wei ya ka truck da ksoh ya ka ha Ummulong Beat House
Discussion about this post