Jowai: Hadien wym chimkhia ka MePDCL ka West Jaiñtia Hills, Jowai wow wan kylliang ya u Transformer 25 Kv wa thymme ha ka chnong Shangpung Moolibang (Pyrmai) heiwa da dep leh ka chnong wow thoh cha ki yeini wei da dooh bordiñ ki nadooh ka 29 tarik u Naikhynde, ynne i miet da jan mih i kulmar hadien wa ki manbei deilang wa ki waheh ka chnong da lai tia ki cha ka Sub-station deiwa mut wow pyndooh bordiñ noh kattu katni kynta kam ka dak wow pynyoo yei pyrchah yei rukom krehkaam kani ka chnat.
Tangwa da smat wow yoh phone na u L. Sungoh uwa man leh u SDO kani ka ya yungkrehkaam uwa da kular wow wan booh da uwa thymme u Transformer hapoh ar sngi tangwa neidaw wa man ki ki sngi chuti daw wan kylliang noh ha ka 22 tarik uni u bnai.
Kam wow pynkynmoo wa ya kani ka Sub-station yong ka MePDCL toh kawa booh ha kani ka chnong kawa da dooh bordiñ ka Shangpung Moolibang (Pyrmai).
Also Read: Dawa ka Shangpung Moolibang wow kylliang ya u Transformer hadien wa dooh bordiñ
Discussion about this post