U khñiang COVID-19 uwa da sdang na sorbah Wuhan ka ri China ha u Kmaichonglad 2019 da sdang poor u cha kylleiñ ki ri ka pyrthai heiwa da em paat 100 tylli ki ri kiwa da chah ktah.
Kawi na ki ri wa chah ktah joor bha toh ka Italy heiwa kiwa da yoh ya uni u khñiang COVID-19 da em ki palat 9,100 ngut wei kiwa da dooh yei mynsien won hadooh 463 ngut kawa da man ka ri wa ar wa boon dooh wa yoh ya uni u khñiang hadien ka China.
Ka sorkar ka ri Italy da chim ko ya ka rai wow booh kyndon u khang noh (Lockdown) ya ka ri khnang wow ye u yaleh pyrchah nei poor uni u khñiang wei u khang ya ka ri hadooh ka 3 Naitung (April).
Waroh ki skur wa ki thaw puræ u man ki kiwa khang; u khang leh ya ki Ski Resorts, ki Museums, ki Night Club wa kiwi kiwi ki thaw paidbah.
Heiyatoh won wa ki thaw mane ye hi ki u wai tangwa emkaam wow jngai 1 meter na uwi pa uwi u bru; ki kaam wa em ka lehniam kam ki bia, pyndep niam hadien wa yap, wa kiwi kiwi da khang lut ya ki.
Discussion about this post