Hadien wa ye u pynkrehkaam ya ki 4 tylli ki Bill ha KHADC daw chong ngiah noh u HS Shylla

Shillong: U MDC yong ka Nongkrem uwa man leh u Chief Executive Member (CEM) ka Khasi Hills Autonomous District Council (KHADC) u Hispreaching Son Shylla da pynsñiaw paidbah u wa daw chong ngiah noh u naka kaam saiñ hima sima wei daw dam noh u wow yakhun Election.

Hawa yaklam wa kiwa pathai khubor u Shylla da ong u “Hadien wa nga da dep pynkrehkaam o ya ki soo tylli ki Bill kiwa kongsan tam yong ka jaitbru u chong ngiah noh O naka kaam saiñ pyrthai”.

Kam wa kdaw heini ki soo tylli ki phang wa kongsan kiwa u Shylla da chimkhia bha u toh heiyatoh waka Khasi Social Custom of Linage Act, Ka Inner Line Permit, ka Town Committee hajrong ka Building Bye Law yong ka KHADC wa ka ka Bill yong ki syiem næ ka Scotch Subordinate Council of Traditional Chief and Headmen Rule.

“I kwah yong nga leh wa hadien wa da pyndep ya kini ki 4 tylli ki Bill u chongngiah noh O na ki kaam Politics, neidaw wa nga sñiaw O wa da biang ya nga hadien wa nga da ye O wow e ya i chakri wa i noh kyllooid kawa boon cha ka jaitbru,” da ong u Shylla.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Chooh chooh neiliang yong u Shylla da ong u wa ha ka 25 wa 26 tarik uni u, daw man ki ki sngi wa khroo ya ka Council wow mynjur ya kini ki Bill, neibhah wa du i yaklam ya ki Bill hadooh wym yoh por wow chong ngiah wow thiah hei miet hadooh khai thiah step leh ka Bill chi ka Bill.

Hawa kylli wa lada ka sorkar ym mynjur ko ya kini ki Bill u Shylla da ong u, “Ym toh de i pap yong nga wei toh u bahkhlieh da ki MLA kiwa man Montri, neibhah chong ha ki wa lada ka sorkar mynjur ko namo ym mynjur ko wei lada ym leh ki ka sorkar daw haap jubab ko ya ki paidbah kiwa daw kylli ya ki.”

Heiyatoh won wa ka sur yong ki paidbah yong ka Nongkrem Constituency wa lada jia wa ki ym chah ki wow chongngiah u Shylla da klam che u deiwa ong, “Chong ko ha ki neibhah ki da dep ki wow kyntait ya nga ha kani ka Election MLA hanlada nga da dep pynkreh o chiboon ki kaam.”

Heiyatoh won wa ye u Shylla wow yahun MP da ong u wa ym ye i u man iwa sakhiat.

“Nga da rai O wow chong ngiah na ki kaam saiñ pyrthai wei ini wow leh O ym toh wow pyndooh mynsien ya kiwi ki seiñ saiñ pyrthai wei ym toh iwa pyrkhat O yei myntoi samen wei kwah O leh wow wanrah yei suk ya ka jaitbru.” ong u Shylla.

Ha iwi tawon i liang da yoh yutip wa heithaw u Shylla daw mihsalan da u Hilarius Warbah wei kani man i i kwah yong ki paidbah yong ka Nongkrem Constituency hi waroh kawi.

Hawa pyntikna hajrong kani ka khubor neiliang u Hilarius Warbah uwa man leh kam u Actor yong ka phlim “Ka mon ba jwat” da ong u wa man i iwa sakhiat wa ki paidbah yong ka Nongkrem Constituency da pynbor ki ya oo wow yieñ u kam u kyrtong MDC.

Kam wow kdaw khajiak hawa em iwon iwon i jia hapoh yong ka Constituency la i sñiawsih næ kmen neiliang yong u Shylla da phah bait u ya u Warbah wow lai mihkhmat neibynta u Shylla wei lyngba ini da pyntikna wa u Shylla daw e kti u ya kani ka kaam cha u Hilarius Warbah khamtam wow yaleh Election MDC wow wan.