Hadooh 1.28 lak ngut kiwa mih pyrtuid ha ka Draft Electoral Roll ha ki soo constituency ka WJH

Jowai: Ka yungkrehkaam u Deputy Commissioner (Election) ka West Jaiñtia Hills ynne ka sngi da pyllait ko ya ka Draft Electoral Roll yong ki soo tylli ki constituency, kani ka Electoral Roll toh kawa em leh ki pyrtuid kiwa daw dap 18 snem hapoh ka 01-01-18 wei da saam ya ka cha ki seiñ saiñ hima sima kiwa da emlang ynne ka sngi kam ka INC, BJP, NPP wa ka HSPDP.

U DC ka WJH u R. Rapthap da pyntip u leh wa em ki kattu katni ki thaw wa lada wyrchaw katkam ka Census da boon kiwa da em Vote palat yei boon bru katkam wa da kheiñ ha ka Census wei da pyrchang katwa ye u pyndooh yeini wei da jia ini neidaw em ki bru wa dang khian rta leh da yoh Vote ki kamjooh leh em kiwa em Vote ha ki le soo thaw wei deiwa pynemkaam da ki stat Computer, katni da suk u chem ya ki bru wa em Vote ha kiwa boon ki thaw wei da dep pyndam ya ki pyrtuid yong ki.

Da pyntip u leh wa ki seiñ sain hima emkaam ki u booh u wi næ ka wi ka Block Level Agent ha kawi pa kawi ka Polling Station ki wow yarap ya u Block Level Officer hei wow pyntikna ya ki pyrtuid ki  bru wa em ha ka Electoral Roll lada em ki ujor wa mih wei kamjooh leh ye ki u thap form ya kiwa kwah u em pyrtuid ha ka Electoral Roll.

U B.J. Kharshandi won da pyntip u leh wa nadooh wa sdang ya ka ERO Net kawa ye ki bru u pyndap form Online da em 33 ngut kiwa da chim kabu ya kani ka laad thymme wow em pyrtuid ha ka Electoral Roll kamjooh yow yoh EPIC ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka Draft Electoral Roll wa da pyllait waroh kiwa thap Vote da em ki 128006 ngut wei katkam jar jiar ka Constituency man ko kamni ha wah:

1- Nartiang Constituency ki chynrang em ki 17001 ngut, ki kynthai 17751 ngut, waroh 34752 ngut.

2- Jowai Constituency ki chynrang em ki 15489 ngut, ki kynthai 17649 ngut, waroh 33138

3-Raliang Constituency ki chynrang em ki 14608 ngut, ki kynthai em ki 16130 ngut, waroh 30738

4-Mowkaiaw Constituency ki chynrang em ki 14429 ngut, ki kynthai em ki 14949 ngut, waroh 29378.

Ki chynrang waroh da em ki 61527 ngut katwa ki kynthai won da em ki 66479 ngut.

Ya ka Amlarem ym em u yoh yutip neibhah ka em ka yong ka hi ka ERO hapoh ka yungkrehkaam ka SDO Amlarem Sub Division.