Williamnagar: U Principal Chief Conservator of Forest (PCCF), u Y. Shullai ynne da ong u wa kiwa kreh ka tnat Forest Department toh u man ki kiwa pliah wa kiwa chemphang hawa pyndep ki yei kaamram yong ki.
“Kiwa kreh kani ka tnat khamtam kitu kiwa em cha madan cha khloo toh ki bynta wa kongsan tam hawa yakhun pyrchah i ya i chah pynstang ki khloo wa i rukom chit i suiñbneiñ katni” da ong u Shullai, hawa e i klam ha ka 23rd Convocation of Meghalaya Forest Training School (MFTS) wa em ha Baija, Williamnagar, East Garo Hills.
Da ong u wa i rukom e sikai ya kiwa kreh ka tnat hapoh kani ka MFTS Williamnagar pynpliah ko ya ki wow yada ya ki khloo wa kiwi kiwi kiwa em ha ki (khloo).
Ka MFTS toh ka thaw esikai hapoh ka tnat Department of Forest and Environment, Government of Meghalaya, heiwa ki Foresters wa ki Forest Guard chah esikai ki hadooh 11 bnai heiwa ha uni u snem 14 ngut ki Frontline Staff da pyndep ki ya ka Basic Training Course wei na kini ka Sharmila Rai da tam ko ya waroh deiwa yoh ya ka Aggregate wa 86.93 percent.
Kiwi kiwa da em ha kani ka Convocation Ceremony toh u Principal Chief Conservator of Forest (Climate Change, Research and Training) u Dr. Subhash Ashutosh, u Principal ka MFTS, u Arpiyush Sangma wa kiwi kiwi.
Discussion about this post