Shillong: Kam chibynta wow pyntipmit ya ka kor Voter Verifiable Paper Audit Trail (VVPAT), u Chief Electoral Officer (CEO) ka jylla u Frederick Kharkongor da pyntip u wa daw pynemkaam hadooh 110 tylli ki kor VVPAT yow sñiawthooh ki paidbah yei rukom krehkaam kini ki kor.
Da ong u wa ha ka jylla daw pynman ko leh ya ka esikai ya waroh ki Returning Officer yow siawthooh ki ya i rukom krehkaam kini ki kor VVPAT yow ye ki u pynsñiawthooh paidbah.
“Ka Election Commission dadep phah ko 110 tylli ki kor VVPAT hapoh ka jylla. Heiwa ya ki 25 tylli u em ki ha ka yungkrehkaam u DC Shillong, 10 tylli ha u DC Jowai ki wow pynemkaam leh ha ka Amalrem Sub-Divison, Khliehriat (East Jaintia Hills) u em 5 tylli, ha Nongpoh (Ri-Bhoi) u em 10 tylli, ha Nongstoin (West Khasi Hills) u em 9 tylli, Mawkyrwat (South West Khasi Hills) u em 5 tylli,” da ong u CEO.
Ha ri-loom Garo won u em 8 tylli, kitæ ha Resubelpara (North Garo Hill), ha Tura (West Garo Hill) 20 tylli wei 6 tylli ha Williamnagar (East Garo Hills), Ampati (South West Garo Hills) wa Baghmara (South Garo Hills).
U CEO da ong u wa hapoh ka jylla em hadooh 3082 tylli ki Polling Stations wei ka tnat Election da pynkhreh ko wow pynman ya ka esikai waphær waphær yow lait ki paidbah u artateiñ ya kini ki kor.
Also Read: Yow pynsakhiat yei rukom jied kyrtong daw pynemkaam noh ka ECI da ka VVPAT ha ka Election 2018
Discussion about this post