Jowai: Ki dkhot ka Meghalaya Association Kickboxing Organization (MAKO) kiwa lai chimbynta ha ka National Kickboxing Championship kawa pynman ha Hyderabad, Telangana nadooh ka 25 hadooh ka 28 tarik uni u bnai da yoh ki 6 tylli ki takma ksiar, 3 tylli ki takma rupa wa 3 tylli ki takma tama.
Kiwa jop takma toh u Ribhalin Marbaning uwa yoh takma ksiar ha ka kyrdan 10-12 snem 37 Kg wa u Mewanpynshngain Nongrum uwa yoh takma rupa ha ka kyrdan Junior Boys Low Kick 63.5 Kg kiwa na Lumparing kiwa chah hikai ha u Pynshai Mawrie uwa da yoh leh ya ka takma rupa hapoh Asia.
Ka Espiranza Songthiang da yoh takma ksiar ko ha ka kyrdan 10-12 snem Point Fighting 47 Kg Junior Girl wa ka takma tama ha ka kyrdan Musical Form Hard Style.
Ka Lorenza Songthiang da yoh takma ksiar ko ha ka kyrdan Point Fight 55 Kg Junior Girl wa ka takma rupa ha ka kyrdan Light Contact 55 Kg.
U Kyrshanbor Songthiang won da yoh takma ksiar u ha ka Musical Form Hard Style Weapon wa ka takma tama ha ka kyrdan 10-12 snem Point Fighting 32 Kg uwa chong wa sah ha Lad Nongkrem Kynton u Mon uwa man leh u khon u Donny Rani uwa man leh u President yong ka MAKO wa u President ka WAKO India National Kickboxing Federation N.G.
U Juh Nongtdu won da yoh takma ksiar u ha ka kyrdan Junior Boy Full Contact 51 Kg uwa chong wa sah ha Nartiang uwa da chah hikai ha u Lamphrang Kharsahnoh uwa yoh ya ka Asian Bronze Medal ha ka Kickboxing.
U Kyrshanlang Lyngdoh da yoh takma ksiar u ha ka Senior Men Full Contact 51 Kg katwa u Byntasyon Nongkoum da yoh takma tama u ha ka Junior Boy Low Kick 51 Kg kiwa chong wa sah ha Nongpoh Ribhoi.
U Wanrapbok Tariang won da yoh u ya ka takma rupa ha ka kyrdan Senior Men Low Kick 54 Kg uwa chong wa sah ha Pomlakrai, Mylliem.
Ha kani ka Championship u Pynshai Mawrie wa u Jerry Fiscal Wankhar da chimbynta ki kam ki Referee wa ki Judge hapoh i yahkhmat u Lamphrang Kharsahnoh kam u Team Coach hei emlang u Donny Rani.
Discussion about this post