Hadooh 127 tylli ki manyung yoh kum Gas LPG ki ha Raliang lyngba ka PMUY

Jowai: Ynne ka sngi hadooh 127 tylli ki manyung ka Raliang Laskein Block da yoh ki ya ka kum Gas namo ka LPG Cylinder deilang wa ka thaw chet (Burner) lyngba ka scheme Pradhan Mantri Ujjwala Yojana (PMUY).

Ya kini ki ki manyung toh kiwa em ya ka BPL card wei hadien wa da pyndap ki ya ka form ha ki por wa dadep, ynne ka sngi nawon da saam ya kini ki kum Gas cha kini ki 127 manyung.

U Hamjhan H. Dkhar uwa man kam u Secretary ka chnong Raliang da pyntip u wa kini ki manyung da haap su ki T. 1,980 heipor wa yoh ki ya kini ki kum wa ka Burner wa da saam da ka M/s Rymbai Gas Agency.

Ha kani ka sngi da em ka yalang wa tbian chwa wow saam ya kini ki kum kawa da pyllai da u Waheh Chnong ka Raliang u S.S. Lamare da yoh i klam na u R. Sutnga wei da yoh leh i batai kammon u pynemkaam ya ki kum Gas wa ka thaw chet da ki wakreh ka M/s Rymbai Gas Agency.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kani ka Scheme toh kawa da sdang da ka sorkar u Narendra Modi ha u 1 Naisan 2016 heiwa ka sorkar booh thong ko wow saam kum Gas cha ki manyung wa dooh hapoh ka ri India.

Also Read: Yoh ka West Jaiñtia ya ka scheme PMUY ka wow pyndait LPG hei dor wa duna