Jowai : Ha ka yakhun 2nd Division ynne ka sngi ha madan Kiang Nangbah Stadium da pynyaleh hapyrdi ka West Madan Mustem wa ka Nangbah Sports Association heiwa ka West Madan Mustem da jop ko da 4-0.
Ya kini ki kool da thap da u Ninesifull Shylla uwa da thap ar kool ha ki minit wa 12 wa 28 min, na u Sanioo Dhar ha ka minit wa 46 wa na u Luckystar Shylla ha ka minit wa 52.
Ha ka yakhun Super Division hapyrdi ka Nangbah Mulang wa ka Shangpung Moosyiem, ka Nangbah Mulang da jop ko da 8-1.
Ya ki kool ka Nangbah Mulang da thap hadooh san kool lyngba u Pyrkhat Dkhar ha ki minit wa 16, 39, 55, 60 wa 69; wa na u Joydip Bamon ha ka minit wa 45+1, na u Spermiki Manner (uwa da thap pyn cha ka kool u) ha ka minit 53, wa na u Heimon Dkhar ha ka minit wa 51. Katwa ya ka kool ka Moosyiem da thap da u Jesmin Langbang ha ka minit wa 63.
Discussion about this post