U Lat ka jylla u Phagu Chauhan ynne da chimbynta u ha ka 36th Convocation ka Indira Gandhi National Open University (IGNOU), ha IGNOU Regional Center Shillong, NEHU Campus heiwa ya kani ka yalang da pynlai heijooh i por na IGNOU Headquarters ha New Delhi wa ha ki 33 tylli ki Regional Center ha kylleiñ ka ri.
Hawa e yei klam ha ka Convocation, u Phagu Chauhan da yaroh u ya ka Indira Gandhi National Open University wa wailaad ko u e sikai cha ki thaw najngai namo ka Open and Distance Learning (ODL) wa kamjooh ka Online Education (OL) ha India wa ka pyrthai hadooh wa ya ka IGNOU da tip kam ka Open University wa heh dooh ha pyrthai wa palat 3 Million ngut ki khynnah puræ wa pyndap pyrtuid ha ki e sikai wa har rukom wa da yarap bha wow yoh yei e sikai ha ki kyrdan waheh namo Higher Education.
Deiwa ban joor yei emkaam ya ki rukom e sikai wa ye u seiñ kreh u pynyoh kreh (Skill Development, Employability, Entrepreneurship & Community Development), da ong u leh emkaam wow man ka e sikai kawa pyrkhat ya ka mynried wei katkam wa emkaam ka juk.
Chooh chooh da ong u wa hapoh ka thong ka ri katkam ka NEP 2020, da emkaam bha yei krehlang hapyrdi ki sorkar jylla wa ka sorkar pyrdi wow tipmit ya ki thaw e sikai wow ye ki wow pynmih ya kiwa pyndep yei puræ kiwa em yei sap kiwa ye u yoh kreh ha kiwa boon ki thaw.
Ya kani ka IGNOU Regional Centre Shillong da sdang ha u Naitung (Apr) 1988, wei katni da em ko 21 tylli ki Learner Support Services ha 10 tylli ki District ka jylla Meghalaya. Wei ha uni u snem da em 1319 ngut kiwa da yoh yei kyrdan Degree/Diploma/Certificate ha kani ka 36th Convocation hapoh ka Shillong Regional Centre.
