Hadooh 15 tylli ki truck kit mooyong kem ki pulit ka WJH

Jowai: Katkam ka yutip wa yoh na ki pulit da ong wa ha ka 26 tarik uni u bnai ka B Blah, BDO, C&RD Block, Thadlaskein, West Jaiñtia Hills da ujor ko wa heipor 10:50 i miet, manda tip ki wa em ki kari wa kit mooyong tooh, chirup wa ki pulit da lai ki cha Khliehtyrshi-Mukhla heiwa da chem 3 tylli ki truck wa kit mooyong tooh wa da ieh ha sarok. Kini ki truck toh kiwa em No. ML-05S-0137, ML-10A-7307 wa ML-10A-4439.

Ha ka jooh ka sngi da kem ya ka truck 12 chaka wa em No. AS-01-FC-9892 wa kawi ka truck wa em No. AS-01-BC-3149 wa kit mooyong na Pasyih-Kyndongtuber hapoh ka Phramer Traffic Cell, West Jaiñtia Hills.

Da kem leh ya 3 tylli ki truck wa kynthup ya ar tylli ki 12 chaka (ML-04-9801 & AS-01-LC-4355) wa ka dumper truck (khlem number) na Sahdaloi Phramer hapoh Phramer Traffic Cell, West Jaiñtia Hills.

Related posts

Chah pam uwi pyn ha u diah ha Syndai

November 13, 2025

Chah kem ar ngut kiwa kit drugs da ka thuk-thuk ha Mawiong

November 12, 2025

Neiliang u SP ka West Jaiñtia Hills da pyntip deiwa ong u wa ha ka chi tayaw da kem 15 tylli ki truck wa kit mooyong khlem em ki kot ki sla wa biang.

Da pyntip u leh wa daw pteiñ i lai kynreh ki Magistrate wa ki sahep ka DMR, ka Transport wa ki pulit.