Shillong: Em hadooh 1693 ngut ki khynnah na kylleiñ ka jylla kiwa kwah u man IAS kiwa da yachim bynta ha ka Mega IAS Scholarship Exam wa pynman da ka ALS ynne ka sngi ha kylleiñ ka jylla.
Kani ka Scholarship Exam da pynman wei daw jied ya ki Top 100 ki wow yoh yarap poisa 100% (Sponsored) IAS Training ha ALS Shillong wa ha Tura Centre hapoh ka Chief Minister Career Guidance and Counselling Scheme.
Kani toh kawa da leh dei chemphang da u montri rangbah ka jylla u Conrad Sangma wow wailaad ya ki khynnah kiwa em i sap kiwa emkaam yoh yarap na ka sorkar.
Ya kani ka exam da pait wei da pynlai da jar jiar ki Deputy Commissioner yong ki District hei yakrehlang wa ki sahep wa da thung da ki DC.
Ya ka Results yong kani ka exam daw pynbna ha ka 6 Naichiphaw wei ka esikai u sdang ko nadooh ka 15 Naichiphaw ha Shillong wa Tura.
Discussion about this post