Ka Independent Inquiry Committee namo takit wa laitlooid hajrong i rukom krehkaam ka Meghalaya Energy Corporation Limited (MeECL) heiyatoh wa i thied tiar, ka dooh nong wa i rukom thung bru wakreh wa da leh da ka Committee da chong takit ko hadooh 18 sien.
Ya ini da pyntip da u Montri ka chnat Bordiñ, u Prestone Tynsong ha yung dorbar chna aiñ ka jylla ynne ka sngi ha ka kynta booh yukylli, heiwa da pyntip u wa ka Committee da khut ko ya ki bru paidbah wow e sakhi hajrong ini i kaam, da yachem ko leh ya ki sahep yong ka chnat hajrong ini i jooh wei da paan ko leh ya ki kot ki sla naka MeECL.
Da pyntip u wa hajrong ini ka Committee da pynkhreh ko ya ka bui ya ka wow ekti ha ka 21 tarik uni u bnai.
Ki dkhot kani ka Committee kynthup ki ya u Justice RN Mishra- Chairman (Retired) High Court Judge, Manoj Kumar (Retired IAS) kam u Administrative Member wa u Sunil Kumar, Executive Director, Rural Electrification Corporation kam u Technical Member.
